Ad Code

تصريحات ناريه من الفنانه حلا شيحه عن كليب بحبك ورد من النجم تامر حسنى ورد من والد الفنانه

 بعد نجاح كليب أغنيه بحبك  النجم تامر حسنى مع  الفنانه  حلا شيحه والذى يحتوى على مشاهد متقفرقه من الفيلم  جاءت تصريحات ناريه من الفنانه حلا شيحه ضد النجم تامر حسنى وجاءت التصريحات كالاتى

"تفاجأت جدا بنزول كليب «بحبك» الذي يجمع مشاهد متفرقة من الفيلم، وفي أيام ذي الحجة المباركة،وخصوصا بعد اخر بوست نزلته وضحت فيه انا ايه واتفاجئت اكتر خصوصا  بعد وعد تامر حسني لي وتأكيده احترام رغبتي"

وانتقدت الفنانه حلا شيحة الفن والفنانين وصرحت :

إحنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح"أنا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح".

وأكدت شيحة في انتقادها للفن والفنانين وصرحت :

أنا تبت من المشاهد دي وهي لا تصح وأنا غلطت وبصلح وأهم حاجة أن ربنا يرضى عني لأن في الآخر ده اللي هينفعنا مش الشهرة ولا النجاح.

الكليب ده ميرضيش ربنا وأنا عيطت لإني شفت نفسي في المشاهد دي. دي كانت زلة نتيجة ظروف مريت بيها وكلنا بنغلط.

 جاء الرد من  النجم تامر حسنى على تصريحات الفنانة حلا شيحة ضده والتي كتبتها على حسابها بموقع انستجرام ، والتي انتقدت فيها النجم تامر حسنى وتبرأت فيها من كليب اغنيه "بحبك" من فيلمهما الجديد "مش أنا"، ومن المشاهد الرومانسية التي جمعتها به واتهامها له بأن أخلف وعده معها وقام بعرض الكليب. 

وكتب تامر حسنى على حسابه بالسوشيال ميديا :

للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً ونتناقش بيني وبينك، فا أنا مضطر أرد هنا برضو قائلا الاتى

"أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد وأخلف".

وأضاف النجم تامر حسنى :

الحقيقه اني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده و"بعدين الفيلم بقاله 3 أسابيع في السينمات، والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !!! إنما الكليب يتشاف جوه السينمات عادي ؟؟ "منطق غريب فعلاً يا حلا".

وجاء ايضا رد والد الفنانه حلا شيحه على تصريحاتها وتصريحات النجم تامر حسنى  :

ابنتى حلا شيحه ليس لها اى حق لتقول مثل هذا الكلام ولو المشاهد بتغضب ربنا زى ما قالت لماذا لم تعترض قبل التصوير وترفض لكن تعترض دلوقتى والفيلم فى السينما وبيحقق أعلى ايرادات إزاى ؟.

Post a Comment

0 Comments

Close Menu